ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ივანე ჯავახიშვილის სახელობის თბილისის სახელმწიფო უნივერსიტეტის სტუდენტები თსუ საგანმანათლებლო პროგრამების გაუმჯობესებისა და სწავლა-სწავლების ხარისხის განვითარების პროცესებში ჩაერთვებიან.
პროექტში „სტუდენტთა შესაძლებლობების გაზრდა ივანე ჯავახიშვილის სახელობის თბილისის სახელმწიფო უნივერსიტეტის ხარისხის უზრუნველყოფაში მათი ჩართულობისთვის“ შერჩეული სტუდენტებისთვის ტრენინგი გაიმართა, რომელსაც შოტლანდიური ორგანიზაციის Sparqs (Student partnerships in quality Scotland) წარმომადგენლები უძღვნებოდნენ.
ტრენინგის მიზანია სტუდენტების კომპეტენციის გაზრდა სწავლა-სწავლების პროცესის განვითარების საკითხში. პროექტისთვის სტუდენტები მათი განაცხადის საფუძველზე, კონკურსის წესით შეირჩნენ.
პროექტის ფარგლებში თსუ სტუდენტები საკუთარ მოსაზრებებს პროგრამის ხელმძღვანელებსა და ადმინისტრაციულ პერსონალს წარუდგენენ და სასწავლო პროცესის გაუმჯობესების საკითხზე მუდმივად იზრუნებენ. პროექტი თსუ ხარისხის უზრუნველყოფის სამსახურისა და თსუ სტუდენტური თვითმმართველობის ორგანიზებით და "განათლების საერთაშორისო ცენტრის" კურსდამთავრებულთა ასოციაციის დაფინანსებით ხორციელდება.
თარიღი:
01/12/2020