ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
სამყაროს წარმოშობის და ევოლუციის საკითხები, შავი ხვრელი და მასთან დაკავშირებული პარადოქსები, კვანტური გრავიტაციის გადაუჭრელი პრობლემები, ფიზიკა სტანდარტული მოდელის მიღმა, ელემენტარული ნაწილაკების და ფუნდამენტური ურთიერთქმედებების ახალი თეორიები - ეს საკითხები განიხილებოდა თბილისის სახელმწიფო უნივერსიტეტის, ბონისა და ზიგენის უნივერსიტეტების (გერმანია) და ერევნის სახელმწიფო უნივერსიტეტის (სომხეთი) ერთობლივ საერთაშორისო სკოლასა და კონფერენციაზე, რომელსაც თსუ-მ უმასპინძლა.
ღონისძიებებში მონაწილე დოქტორანტებისა და მაგისტრანტებისთვის საქართველოდან, სომხეთიდან, აზერბაიჯანიდან და ირანიდან ლექციები წაიკითხეს მაქს პლანკის ინსტიტუტის (გერმანია) ხელმძღვანელმა გია დვალმა, ლაკვილას უნივერსიტეტის (იტალია) პროფესორმა ზურაბ ბერეჟიანმა, სიდნეის უნივერსიტეტის (ავსტრალია) პროფესორმა არჩილ კობახიძემ.
თსუ რექტორმა გიორგი შარვაშიძემ საქართველოში ფიზიკის პოპულარიზაციასა და თბილისის სახელმწიფო უნივერსიტეტის ინტერნაციონალიზაციაში შეტანილი განსაკუთრებული წვლილისთვის ზურაბ ბერეჟიანი უნივერსიტეტის ოქროს მედლით დააჯილდოვა.