ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
25 და 26 მარტს, თბილისის ივანე ჯავახიშვილის სახელობის თბილისის სახელმწიფო უნივერსიტეტში (პირველი კორპუსი, სააქტო დარბაზის ფოიე, მის: ი. ჭავჭავაძის 1), სსიპ შემოქმედებითი საქართველოს ორგანიზებით იმართება საერთაშორისო ლიტერატურული კონფერენცია: „პატარა ქვეყნების ლიტერატურების კომერციონალიზაცია და მისი როლი ქვეყნის საერთაშორისო ავტორიტეტის ჩამოყალიბებისა და პოპულარიზაციის საქმეში“. ღონისძიება ჩატარდება დილის 10:00 სთ-დან 18:00 სთ-მდე. პროექტი ხორციელდება „იუნესკოს მონაწილეობის პროგრამის“ ფარგლებში.
ღონისძიების მიზანია გამოკვეთოს პატარა ქვეყნების/ერების ლიტერატურების წინაშე არსებული გამოწვევები და პერსპექტივები, გამოავლინოს მცირე ქვეყნების/ერების ლიტერატურების საერთაშორისო ცნობადობის გაზრდისა და აღიარების მოპოვების მექანიზმები; იმსჯელოს ლიტერატურის როლსა და მნიშვნელობაზე ეკონომიკური პოტენციალის ზრდის თვალსაზრისით; გააძლიეროს ქართულ, აფხაზურ და ოსურ ლიტერატურულ პროცესებს შორის თანამშრომლობა და შექმნას დიალოგის პლატფორმა; ხელი შეუწყოს შესაბამისი უნარებისა და შესაძლებლობების განვითარებას.
სესიები გაიმართება ინტერაქციულ რეჟიმში და დამსწრე აუდიტორიას ექნება საშუალება აქტიურად ჩაერთოს დისკუსიაში. კონფერენციის შემდეგ, 26 მარტს, 14:00 სთ-დან, გაიმართება ლიტერატურული ვორქშოფი; შერჩეული აფხაზი და ოსი ავტორებისა და ტექსტების გაცნობა, განხილვა და ანალიზი. ასევე, ვორქშოფის ფარგლებში, მომზადდება საპროექტო იდეები: აფხაზური და ოსური ლიტერატურების პოპულარიზაცია - გამოწვევები და პერსპექტივები და გაიმართება პროექტების პრეზენტაცია.
საკონტაქტო პირი: თინათინ ბაღაშვილი, შესაძლებლობების გაძლიერების პროგრამის კოორდინატორი. ელ.ფოსტა: tiki@creativegeorgia.ge T: 591 45 74 79.