ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
„ქართული მწერლობა წითელი ტერორის წინააღმდეგ,“ - ეს იყო თემა საჯარო ლექციისა, რომელიც მსოფლიოს ერთ-ერთი პრესტიჟულ აკადემიურ საუნივერსიტეტო სივრცეში - პრინსტონის უნივერსიტეტში, თსუ შოთა რუსთაველის სახელობის ქართული ლიტერატურის ინსტიტუტის დირექტორმა, პროფესორმა ირმა რატიანმა გამართა.
ლექციის ფარგლებში საერთაშორისო აუდიტორიის წინაშე განხილულ იქნა მე-20 საუკუნის 20-30-იან წლებში, საქართველოში საბჭოთა ტოტალიტარული მმართველობის დამყარების შემდეგ, ქართული მწერლობის განვითარების პროცესი. წარმოდგენილი იყო ქართველი მწერლების წინააღმდეგობრივი არჩევანის სხვადასხვა გზა/სტრატეგია წითელი ტერორისა და ბოლშევიკური იდეოლოგიის მიმართ. საკითხი გაშუქებული იყო თანამედროვე ლიტერატურათმცოდნეობით მეთოდოლოგიების ჭრილში.
ლექცია გაიმართა პროექტის - Georgian Literature Worldwide - ფარგლებში, რომელსაც ქართული ლიტერატურის ინსტიტუტი ახორციელებს კომპარატივისტული ლიტერატურის ქართულ ასოციაციასთან ერთად, შედარებითი ლიტერატურის საერთაშორისო ასოციაციის მხარდაჭერით.
აღნიშნული სალექციო კურსით ამავე დროს დაინტერესებულნი არიან ჰარვარდისა და ტოკიოს უნივერსიტეტები.
