ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
საქართველოს განათლებისა და მეცნიერების მინისტრის 2020 წლის 09 მარტის №338 ბრძანების პირველი პუნქტით დამტკიცებული პროგრამის - „ინოვაციის, ინკლუზიურობის და ხარისხის პროექტი – საქართველო I2Q (WB)” (I2Q პროექტი), უმაღლესი განათლების კომპონენტის ერთ-ერთი პრიორიტეტი საქართველოში უმაღლესი განათლების ინტერნაციონალიზაციის პროცესის ხელშეწყობაა. დაგეგმილი ღონისძიებები თანხვედრაშია განათლებისა და მეცნიერების ეროვნულ სტრატეგიასთან და მიმართულია საერთაშორისო კვლევით ცენტრებსა და უნივერსიტეტებთან პარტნიორობის დამყარებაზე, უნარებისა და კომპეტენციის გაძლიერებაზე, სასწავლო-სამეცნიერო პოტენციალის გაძლიერებაზე, შრომის ბაზართან კავშირების ხელშეწყობაზე, ინგლისური ენის ცოდნის დონის ამაღლებაზე, სტუდენტებისა და ახალგაზარდა მკვლევრების კონკურენტუნარიანობის გაზრდაზე.
ამ მიმართულებით ერთ-ერთ მნიშველოვან აქტივობას წარმოადგენს ე.წ. International Excellence School-ის ჩატარება, რაც მიზნად ისახავს ადრეული კარიერის მკვლევრებისა (მაგ. დოქტორანტები, პოსტდოქტორანტები და მკვლევარები დოქტორის ხარისხის მინიჭებიდან 5 წლის განმავლობაში) და აკადემიური პერსონალის მომზადებას კვლევის მართვისა და ინოვაციის საუკეთესო პრაქტიკის მიხედვით, რომლის ერთ-ერთი ძირითადი ამოცანაა ქართულ უნივერსიტეტებში კვლევის შესაძლებლობების გაძლიერება, კვლევითი სტრუქტურების, პროცესებისა და შედეგების ხარისხის გაუმჯობესება.
I2Q პროექტის ფარგლებში “International Excellence School“ 3-ჯერ ჩატარდება, რაც გააძლიერებს აკადემიური და სამეცნიერო საზოგადოების შესაძლებელობებს საგრანტო პროექტების შემუშავების, ტექნოლოგიების ტრანსფერისა და ინოვაციების, ასევე ინტელექტუალური საკუთრების უფლებების დაცვის მიმართულებით. ამ ეტაპზე, გამოცხადებულია კონკურსი მეორე საერთაშორისო Excellence school-ში მონაწილეობის მისაღებად. ღონისძიების თემატიკაა: „ინტერსექტორული თანამშრომლობა, ტექნოლოგიების ტრანსფერი და ინოვაცია“. მეორე საერთაშორისო Excellence school ჩატარება 2024 წლის 5-7 ივლისს არის დაგეგმილი, ქ. ბათუმში. მონაწილეობის მისაღებად განაცხადის წარმოდგენის ბოლო ვადაა: 2024 წლის 10 მაისი, 16:00 საათი.
ღონისძიება ტარდება საერთაშორისო ტენდერით შერჩეული საკონსულტაციო კომპანიის – UCL Consultant (საკონსულტაციო კომპანია Savvy Business sLtd-სთან თანამშრომლობით) მომსახურების ფარგლებში. მეორე საერთაშორისო Excellence School–ის მასპინძელია ბათუმის 2 შოთა რუსთაველის სახელმწიფო უნივერსიტეტი, ბათუმის სახელმწიფო საზღვაო აკადემიასთან პარტნიორობითა და ლონდონის საუნივერსიტეტო კოლეჯის (UCL) თანადგომით. დამატებითი ინფორმაციისთვის იხილეთ დანართი.