ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
საახალწლო ტურნე უნივერსიტეტში თოვლის ბაბუასთან შესახვედრად - ამ სახელწოდებით თსუ-ის პუბლიცისტიკისა და ელექტრონული მედია ცენტრი და თსუ-ის თეატრი ,,სხვენი“ ერთობლივ საახალწლო პროექტს (საჩუქრად) იწყებენ, რომელიც 25 დეკემბრიდან 14 იანვრამდე პერიოდს მოიცავს.
პროექტის მონაწილენი იქნებიან:
ვისაც ოჯახში ჰყავს პატარა, რომელსაც თოვლის ბაბუას სიტყვის სჯერა და მას ელოდება;
ვინც ოჯახში დიდია და ვისაც აქვს ასრულებადი ოცნება თუ საქმიანი ნატვრა;
ვისაც თსუ-ის პუბლიცისტიკისა და ელექტრონული მედია ცენტრის თოვლის ქალი, შერჩევის პრინციპით, კარზე მიადგება...
პროექტის ფარგლებში თსუ-ის თანამშრომელთა თუ პროექტში ჩართული სტუდენტების შვილებისთვის შეიქმნება თოვლის ბაბუას ვიდეოჩანაწერები, რომლითაც თოვლის ბაბუა პერსონალურად მიულოცავს, მიმართავს, თქვენი შვილების შესახებ პატარ-პატარა წარმატებების თაობაზეც ისაუბრებს და დაარიგებს მათ. ვიდეო ახალი წლის ღამეს შეგიძლიათ აჩვენოთ პატარებს - როგორც თოვლის ბაბუას გზავნილი უნივერსიტეტის ფოსტიდან.
შეიქმნება საახალწლო შინაარსის მინი-ფილმები საუნივერსიტეტო ოჯახებზე, თსუ-ის პროფესორებსა და ადმინისტრაციულ პერსონალზე (კითხვარების შევსებისა და ფილმის ,,გმირების“ შერჩევის გზით - სულ შეირჩევა 14 კანდიდატურა). უნივერსიტეტის აკადემიურ და ადმინისტრაციულ პერსონალს, გამოკითხვის საფუძველზე, შეძლებისდაგვარად, 2022 წლის გეგმების ასრულების ხელშეწყობის სქემებს მივცემთ. ,,სურვილების ყულაბაში“ მოთავსებულ წერილებზე საახალწლო ფორმატში ჩაწერილი თსუ-ის ადმინისტრაციის ხელმძღვანელი თუ სხვა გადაწყვეტილებების მიმღები პირები გიპასუხებენ.
თოვლის ბაბუა თეატრი ,,სხვენიდან“ ყველასთვის იმ სიკეთის მომტანი იქნება, რაც ახალი წლის ღამეს მადლობას გათქმევინებთ - უნივერსიტეტისთვის...
ჩაერთეთ პროექტში და გაახარეთ საკუთარი ბავშვები, საკუთარი თავი და სხვა, ვინც ახალ 2022 წელს იმედით ელოდება... გამოგვიგზავნეთ პროექტში ჩართვის თხოვნა ან შეგვივსეთ კითხვარი, რომელიც ფოსტით ,,მოგადგება“...
პროექტის განხორციელების პირველი ეტაპი - შერჩევა - დაიწყება 1 დეკემბრიდან...
თქვენი პატარებისთვის თოვლის ბაბუას ვიდეო-ჩანაწერები გამოიგზავნება თქვენი ფოსტის მისამართზე;
საახალწლო ვიდეო-ფილმები 25 დეკემბრიდან 14 იანვრის ჩათვლით აიტვირთება ფეისბუქგვერზე - თსუ უნივერსია/გაზეთი/მედია ცენტრი და გადაიცემა რეგიონული ტელევიზიებით. დამატებით საახალწლო პროექტის ფარგლებში შექმნილი სტატიები თსუ-ის გაზეთ ,,თბილისის უნივერსიტეტში“ განთავსდება.
ჩვენი მეილი:
nino.kakulia@tsu.ge ; ტელ: 577527773