ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
7 ივნისს თბილისის სახელმწიფო უნივერსიტეტში მე-8 მოწვევის სტუდენტური თვითმმართველობის არჩევნები გაიმართება.
არჩევნები უნივერსიტეტის 6 ფაკულტეტზე, ასევე, დამხმარე საგანმანათლებლო სტრუქტურული ერთეულის-ტურიზმის სკოლაში ჩატარდება. უნივერსიტეტის აქტიური სტატუსის მქონე სტუდენტები თვითმმართველობის 120 დელეგატს აირჩევენ.
არჩევნები წარმოადგენს დემოკრატიული პროცესების ფუნდამენტურ საფუძველს და მნიშვნელოვანია ახალგაზრდების აქტიური ჩართულობა მსგავსი ხასიათის ღონისძიებებში. შესაბამისად, უნივერსიტეტის ადმინისტრაცია მოუწოდებს სტუდენტებს, აქტიურად მიიღონ მონაწილეობა არჩევნებში. უნივერსიტეტის ადმინისტრაცია გამორიცხავს ყოველგვარ ჩარევას საარჩევნო პროცესებში და ასევე მოუწოდებს სხვადასხვა არასამთავრობო ორგანიზაციების წარმომადგენლებს დააკვირდნენ პროცესებს და ხელი შეუწყონ არჩევნების მშვიდ გარემოში, რეგულაციების სრული დაცვით ჩატარებას.
არჩევნების დღეს 08:00 საათზე უნივერსიტეტში 12 საარჩევნო უბანი გაიხსნება. ხმის მიცემის პროცედურა კი, 09:00 საათიდან დაიწყება და 18:00 საათამდე გაგრძელდება.
სტუდენტებმა, როგორც ამომრჩევლებმა, თან უნდა იქონიონ საქართველოს მოქალაქის პირადობის მოწმობა ან საქართველოს მოქალაქის პასპორტი.