ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის ორგანიზებით მიზნობრივი სამეცნიერო - კვლევითი პროექტების პრეზენტაცია გაიმართა, რომელსაც თსუ რექტორი გიორგი შარვაშიძე, ეკონომიკისა და ბიზნესის ფაკულტეტის დეკანი გიორგი ღაღანიძე, პროფესორები და სტუდენტები ესწრებოდნენ.
2020 წელს ფაკულტეტზე ბიზნესის ადმინისტრირების მიმართულებით 2 მიზნობრივი სამეცნიერო-კვლევითი პროექტი განხორციელდა: „თსუ-ის კონკურერტუნარიანობის შეფასება აბიტურიენტების დამოკიდებულების კვლევის საფუძველზე (ეკონომიკისა და ბიზნესის ფაკულტეტის საგანმანათლებლო პროგრამების მაგალითზე)“ და „მცირე ბიზნესის ფაქტორული მწარმოებლურობა და საექსპორტო შესაძლებლობები საქართველოში“.
როგორც რექტორმა გიორგი შარვაშიძემ აღნიშნა, პანდემიის მიუხედავად უნივერსიტეტში აქტიურად მიმიდნარეობს სამეცნიერო - კვლევითი საქმიანობა. „ჩვენ გვაქვს არჩეული სწორი სტრატეგია. ქვეყნის განვითარება იწყება კადრების მომზადებით საუნივერსიტეტო სივრცეში. ამდენად, ბევრი სიახლე გვექნება ახალი სასწავლო წლიდან, მზადდება სპეციალური წამახალისებელი პროექტების, გრანტების სისტემა, რომელიც თბილისის სახელმწიფო უნივერსიტეტში ამოქმედდება იანვრის თვიდან და მიეძღვნება პროფესორების წახალისებას, პუბლიკაციებს, კვლევებს, სამეცნიერო მიმართულებით",- განაცხადა რექტორმა.
თსუ ეკონომიკისა და ბიზნესის ფაკულტეტის დეკანის, გიორგი ღაღანიძის თქმით, მსგავსი სამუშაოები საჭიროა არა მხოლოდ ქვეყანაში, არამედ რეგიონული პოზიციების განმტკიცებისთვისაც.
სამეცნიერო-კვლევითი პროექტები ფაკულტეტის ყოველწლიური სამეცნიერო საგრანტო დაფინანსების ფარგლებში განხორციელდა.