ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
18 დეკემბერს, თსუ ცოდნის გადაცემისა და ინოვაციების ცენტრის ორგანიზებით გაიმართა AI Startup Challenge - Pre-Accelerator პროგრამის დასკვნითი ღონისძიება, რომელიც მიზნად ისახავდა ხელოვნურ ინტელექტზე დაფუძნებული ინოვაციური იდეების მხარდაჭერას და მათ სტარტაპებად გარდაქმნას.
ღონისძიებაში მონაწილე სტუდენტებმა წარმოადგინეს ორთვიანი პროგრამის განმავლობაში AI-ზე დაფუძნებული პროდუქტები და სერვისები, შექმნილი MVP-ები და სტარტაპ კონცეფციები. პროგრამამ მონაწილეებს მისცა შესაძლებლობა ემუშავათ რეალურ პრობლემებზე, გაევლოთ ინტენსიური ტრენინგები, მენტორინგი და გუნდური მუშაობა Agile მეთოდოლოგიებით.
ჟიურის გადაწყვეტილებით გამარჯვებულები გახდნენ:
I ადგილი - SkillBridge
სტარტაპი, რომელიც დამწყებებს უძღვება პროფესიული განვითარების გზაზე და აკავშირებს მათ დამსაქმებლებთან, უნარებზე და კარიერულ მიზნებზე დაფუძნებული ინტელექტუალური მექანიზმების გამოყენებით.
II ადგილი - გუნდი FPM
სტარტაპი - Shuapp, აპლიკაცია, რომელიც მომხმარებლებს ეხმარება ახალი ადამიანების გაცნობაში და სოციალური კავშირების გაფართოებაში თანამედროვე ტექნოლოგიების გამოყენებით.
III ადგილი - გუნდი BotCraft
სტარტაპი - RoutineX, ორგანიზაციული ბიზნეს პროცესების ავტომატიზაციის პლატფორმა, რომელიც კომპანიებს ეხმარება რუტინული ოპერაციების ოპტიმიზაციასა და ეფექტიანობის ზრდაში.
პროგრამის პარტნიორები: HIGGS, Clevertone • ქლევერტონი, თსუ კომპიუტერულ მეცნიერებათა დეპარტამენტი.
გამარჯვებული გუნდებს ფულადი ჯილდო გადასცა კომპანია HIGGS-მა:
I ადგილი - 7 000 ლარი
II ადგილი - 5 000 ლარი
III ადგილი - 3 000 ლარი
