ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ივანე ჯავახიშვილის სახელობის თბილისის სახელმწიფო უნივერსიტეტში გაიმართა იურიდიული ფაკულტეტის პროფესორის, საპატიო დოქტორის ირაკლი ბურდულის, ასოცირებული პროფესორის ნათია ჩიტაშვილის და დოქტორანტის, ადვოკატ ანა ხარაიშვილის კოლექტიური მონოგრაფიის „სატრანსპორტო სამართალი: მეთოდოლოგიური, ტელეოლოგიური და შედარებით სამართლებრივი გააზრება“ პრეზენტაცია.
ნაშრომი წარმოადგენს ქართულ იურიდიულ მეცნიერებაში სატრანსპორტო სამართლის პირველ სისტემურ და ინტერდისციპლინურ კვლევას, რომელიც აღნიშნულ სფეროს დამოუკიდებელ სამართლებრივ დარგად განიხილავს და განსაკუთრებულ ყურადღებას უთმობს საქართველოს სატრანზიტო პოტენციალის სრულფასოვან რეალიზაციას.
ღონისძიება გახსნა იურიდიული ფაკულტეტის დეკანმა, ასოცირებულმა პროფესორმა მორის შალიკაშვილმა. პრეზენტაციას ესწრებოდნენ საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონია, საქართველოს იუსტიციის მინისტრის მოადგილეები პროფესორი მერაბ ტურავა და ასოცირებული პროფესორი გიორგი დგებუაძე, აგრეთვე საქართველოს საერთო და საკონსტიტუციო სასამართლოს მოსამართლეები, ადვოკატთა ასოციაციის წევრები, თსუ-ს იურიდიული ფაკულტეტის ადმინისტრაციის და აკადემიური საზოგადოების წარმომადგენლები.
