ნი­ნო კა­კუ­ლია

2020 წლის 5 მარ­ტს უნ­ივ­ერ­სი­ტე­ტის პრო­ფე­სო­რი, აკ­ად­ემ­იკ­ოსი ინ­ესა მე­რა­ბიშ­ვი­ლი 70 წლის იუბ­ილ­ეს უნ­ივ­ერ­სი­ტე­ტე­ლე­ბის, მეც­ნი­ერ­ებ­ათა აკ­ად­ემი­ის წევ­რე­ბი­სა და მე­გობ­რე­ბის დიდ წრე­ში აღ­ნიშ­ნავ­და. თბი­ლის­ში უკ­ვე ბევ­რმა იც­ოდა, რომ სა­ქარ­თვე­ლოს საზღვრე­ბი რა­ღაც ვე­რაგ­მა ვი­რუს­მა გად­მოკ­ვე­თა და მა­ინ­და­მა­ინც არ იყო რე­კო­მენ­დი­რე­ბუ­ლი გა­და­კოც­ნით და­ბა­დე­ბის დღის მი­ლოც­ვა... თუმ­ცა სით­ბოს და სიყ­ვა­რუ­ლის გა­მო­ხატ­ვის ჟეს­ტი­კუ­ლა­ცი­ები წვე­ულ­ებ­აზე ჯე­რაც ჩვე­ულ ად­ამი­ან­ურ ხა­სი­ათ­ებს ემ­ორ­ჩი­ლე­ბო­და... უკ­რავ­და სა­სი­ამ­ოვ­ნო მუ­სი­კა და სტუმ­რე­ბი ერთ არ­ჩვე­ულ­ებ­რივ აკ­ად­ემი­ურ სა­ღა­მოს ატ­არ­ებ­დნენ...

ახ­ალი დღე გან­გა­შით გა­თენ­და — ამო­უც­ნო­ბი მტრის მო­ახ­ლო­ება ტე­ლე­ვი­ზი­ებ­მა გვაც­ნო­ბეს... „მჯე­რა“-“არ მჯე­რას“ რი­გებ­ში სა­ქარ­თვე­ლო­ში მთა­ვა­რი სკა­მი კო­ვიდ-ცხრა­მეტ­მა და­იკ­ავა.

* * *

კო­რო­ნა­ვი­რუს­თან და­კავ­ში­რე­ბით შექ­მნი­ლი უწყე­ბა­თა­შო­რი­სი სა­კო­ორ­დი­ნა­ციო საბ­ჭოს რე­კო­მენ­და­ცი­ებ­ის გათ­ვა­ლის­წი­ნე­ბით, 12 მარ­ტი­დან უნ­ივ­ერ­სი­ტეტ­ში და­წეს­და დის­ტან­ცი­ური მუ­შა­ობ­ის რე­ჟი­მი და შე­ღა­ვა­თი­ანი სა­მუ­შაო გრა­ფი­კი. ად­მი­ნის­ტრა­ცი­ის ხელ­მძღვა­ნე­ლი ლა­შა სა­ღი­ნა­ძე თა­ნამ­შრომ­ლებს მო­უწ­ოდ­ებ­და — ვინც ფლობს ავ­ტო­მან­ქა­ნას და უწ­ევს სამ­სა­ხურ­ში გა­მოცხა­დე­ბა, გა­მო­ვავ­ლი­ნოთ სა­მო­ქა­ლა­ქო პა­სუ­ხის­მგებ­ლო­ბა და ჩვენს მე­ზობ­ლად მყოფ თა­ნამ­შრომ­ლებს შევ­თა­ვა­ზოთ ტრან­სპორ­ტით მომ­სა­ხუ­რე­ბა. მი­ზა­ნი იყო აღ­ნიშ­ნუ­ლი წე­სის ზედ­მი­წევ­ნით დაც­ვა იმ­გვა­რად, რომ საფ­რთხე არ და­მუქ­რე­ბო­და უნ­ივ­ერ­სი­ტე­ტის ნორ­მა­ლურ ფუნ­ქცი­ონ­ირ­ებ­ას. მთა­ვა­რი მო­ტი­ვი — უნ­ივ­ერ­სი­ტე­ტე­ლე­ბის ვი­რუ­სის­გან დაც­ვა გახ­ლდათ.

უნ­ივ­ერ­სი­ტეტ­ში საქ­მი­ანი შეხ­ვედ­რე­ბი შე­ფერ­ხდა... თუ­კი ე.წ. ტრა­დი­ცი­ონ­ალ­ის­ტე­ბი დღემ­დე მძი­მედ ეგუ­ები­ან უნ­ივ­ერ­სი­ტეტ­თან შეხ­ვედ­რის სხვა მა­ნე­რას, რაც თეთ­რი ტაძ­რის წი­ნა­შე ქუ­დის მოხ­დას აღ­არ გუ­ლის­ხმობს, კო­ვიდ 19-მა ეს აქ­ცენ­ტიც შეც­ვა­ლა და სა­ნატ­რე­ლი გახ­და მი­სალ­მე­ბის ჩვე­ული სტი­ლიც... დღეს გა­მარ­ჯო­ბა მუშ­ტით დახ­ვედ­რაა და ამ­ას უნ­ივ­ერ­სი­ტეტ­შიც აუბ­ეს მხა­რი... სა­ყო­ველ­თაო ჩვე­ვის დამ­კვიდ­რე­ბის ამ­ბი­ცია ის­ევ ჩვენ გვაქ­ვს — პირ­ველ ქარ­თულ უნ­ივ­ერ­სი­ტეტს...

16 მარ­ტს უნ­ივ­ერ­სი­ტე­ტის რექ­ტო­რი აკ­ეთ­ებს გან­ცხა­დე­ბას, რომ 23 მარ­ტი­დან თბი­ლი­სის სა­ხელ­მწი­ფო უნ­ივ­ერ­სი­ტეტ­ში ელ­ექ­ტრო­ნუ­ლი სწავ­ლე­ბის შე­რე­ული ფორ­მა­ტით და­იწყე­ბო­და სას­წავ­ლო პრო­ცე­სი. რექ­ტო­რი გი­ორ­გი შარ­ვა­ში­ძე და ად­მი­ნის­ტრა­ცი­ის ხელ­მძღვა­ნე­ლი ლა­შა სა­ღი­ნა­ძე ფა­კულ­ტე­ტე­ბის დე­კა­ნებს ხვდე­ბი­ან და ამ­ოწ­მე­ბენ ონ­ლა­ინ სწავ­ლე­ბის წარ­მარ­თვის­თვის ფა­კულ­ტე­ტე­ბის მზა­ობ­ას.

რექ­ტო­რი უნ­ივ­ერ­სი­ტე­ტის სო­ცი­ალ­ურ და პო­ლი­ტი­კურ მეც­ნი­ერ­ებ­ათა ფა­კულ­ტე­ტის მულ­ტი­მე­დია ცენ­ტრის სტუ­დი­ას სტუმ­რობს — ცენ­ტრს და­ევ­ალა ლექ­ცი­ებ­ის ვი­დეო-გა­და­ღე­ბა და ონ­ლა­ინ გავ­რცე­ლე­ბა. მულ­ტი­მე­დია ცენ­ტრის ხელ­მძღვა­ნე­ლი გრა­ფი­კის შევ­სე­ბას ვერ აუდ­ის — ტექ­ნი­კუ­რი პერ­სო­ნა­ლის ჯიბ­რზე ლექ­ცი­ის ჩა­სა­წე­რად გამ­ზა­დე­ბუ­ლი ლექ­ტო­რე­ბი გა­და­ღე­ბა­ზე არც იგ­ვი­ან­ებ­ენ და მონ­ტა­ჟიც არ ეზ­არ­ებ­ათ... რი­გი არ წყდე­ბა... ამ ქცე­ვის მთა­ვა­რი მო­ტი­ვი ერ­თია — სტუ­დენ­ტი არ და­აღ­ალ­ატ­ონ...

უნ­ივ­ერ­სი­ტე­ტის ხელ­მძღვა­ნე­ლო­ბის ძა­ლის­ხმე­ვით „სა­ქარ­თვე­ლოს ბან­კმა“ უნ­ივ­ერ­სი­ტე­ტის­თვის Zoom Education-ის ლი­ცენ­ზია შე­იძ­ინა. მო­ლა­პა­რა­კე­ბე­ბი ხან­გრძლი­ვი გა­მოდ­გა, თუმ­ცა ად­მი­ნის­ტრა­ცი­ის ხელ­მძღვა­ნელ­მა სი­ხა­რუ­ლი ვერ და­მა­ლა და და­წე­რა: თსუ ფლობს 1 წლი­ან სრულ­ყო­ფილ 500 ლი­ცენ­ზი­ას, რაც სა­ქარ­თვე­ლოს მას­შტა­ბით უპ­რე­ცე­დენ­ტოა! უნ­ივ­ერ­სი­ტეტ­მა 23 მარ­ტი­დან შეძ­ლო და 21 000-ზე მეტ სტუ­დენ­ტს შეს­თა­ვა­ზა დის­ტან­ცი­ური სწავ­ლე­ბის რე­ჟი­მი, რი­სი წარ­მოდ­გე­ნაც ბევ­რის­თვის წარ­მო­უდ­გე­ნე­ლი იყო!

თეთ­რს ნაც­რის­ფე­რი ცვლის... კო­რო­ნა­ვი­რუ­სის პი­რო­ბებ­ში უნ­ივ­ერ­სი­ტე­ტის კორ­პუ­სე­ბის დე­რეფ­ნე­ბი ცა­რი­ელია... სტუ­დენ­ტუ­რი ხმა­ური სა­ნატ­რე­ლი ხდე­ბა... და უფ­რო მე­ტად იძ­ენს აქ­ტუ­ალ­ობ­ას თე­მა — სტუ­დენ­ტის­თვის მე­ტი გა­ვა­კე­თოთ... რექ­ტო­რი, ად­მი­ნის­ტრა­ცი­ის ხელ­მძღვა­ნე­ლი და ეკ­ონ­ომ­იკ­ის ფა­კულ­ტე­ტის დე­კა­ნი ეკ­ონ­ომ­ის­ტებ­ში სტუ­დენ­ტურ სივ­რცეს ხსნი­ან... ეს კო­რო­ნაც გა­და­ივ­ლის... დღეს არა, მაგ­რამ ხვალ მო­ეწ­ონ­ებ­ათ და მად­ლობ­ლე­ბიც იქ­ნე­ბი­ან... უნ­ივ­ერ­სი­ტე­ტი სტუ­დენ­ტე­ბის ემ­ოცი­ური რე­აქ­ცი­ებ­ის მო­ლო­დინ­შია...

მე­ორე კორ­პუ­სის რეს­ტავ­რა­ცი­აც და აღ­ჭურ­ვაც თით­ქმის დას­რულ­და... სა­მუ­შაოები არ შე­ჩე­რე­ბუ­ლა — შავს ახ­ლავს თეთ­რიც — ას­ეთია პან­დე­მი­ური რე­ალ­ობა უნ­ივ­ერ­სი­ტეტ­ში, სა­დაც ახ­ალ ჭირს არ ნებ­დე­ბი­ან...

უნ­ივ­ერ­სი­ტე­ტის ხა­რის­ხის უზ­რუნ­ველ­ყო­ფის სამ­სა­ხურ­მა გა­მო­კითხვა ჩა­ატ­არა. 3-10 აპ­რი­ლის ონ­ლა­ინ გა­მო­კითხვა­ში შვი­დი­ვე ფა­კულ­ტე­ტის სტუ­დენ­ტე­ბი, აკ­ად­ემი­ური და ად­მი­ნის­ტრა­ცი­ული პერ­სო­ნა­ლის წარ­მო­მად­გენ­ლე­ბი მო­ნა­წი­ლე­ობ­დნენ. გა­მო­კითხულ პრო­ფე­სორ­თა 61%-ის თა­ნახ­მად, სტუ­დენ­ტთა 75%-ზე მე­ტი ეს­წრე­ბა ლექ­ცი­ებს. პრო­ფე­სორ­თა 94 % აღ­ნიშ­ნავს, რომ სას­წავ­ლო მა­სა­ლის 70%-ზე მე­ტი ხელ­მი­საწ­ვდო­მია სტუ­დენ­ტე­ბის­თვის. გა­მო­კითხვის თა­ნახ­მად, სტუ­დენ­ტთა 53% -ს სრუ­ლი წვდო­მა აქ­ვს ინ­ტერ­ნეტ­სა და ელ­ექ­ტრო­ნულ მოწყო­ბი­ლო­ბებ­ზე, 42% აფ­იქ­სი­რებს პა­სუხს — „მეტ-ნაკ­ლე­ბად“, ხო­ლო 5% აფ­იქ­სი­რებს — „არ­ას“. აღ­სა­ნიშ­ნა­ვია, რომ რეს­პონ­დენ­ტთა უმ­რავ­ლე­სო­ბა პერ­სო­ნა­ლის კომ­პი­უტ­ერ­ული უნ­არ-ჩვე­ვე­ბის გა­უმ­ჯო­ბე­სე­ბის სა­ჭი­რო­ებ­ას­აც ას­ახ­ელ­ებს. გა­მო­იკ­ვე­თა სწავ­ლის ელ­ექ­ტრო­ნუ­ლი სის­ტე­მის გა­მარ­თუ­ლად მუ­შა­ობ­ის უზ­რუნ­ველ­ყო­ფი­სა და და­მა­ტე­ბი­თი ფუნ­ქცი­ებ­ით აღ­ჭურ­ვის სა­ჭი­რო­ებ­აც.

ონ­ლა­ინ სწავ­ლე­ბის გარ­და უნ­ივ­ერ­სი­ტე­ტი ონ­ლა­ინ კონ­ფე­რენ­ცი­ებ­ის, სა­დის­კუ­სიო პა­ნე­ლე­ბის და სე­მი­ნა­რე­ბის ციკ­ლსაც კარ­გად არ­თმევს თავს და ინ­ტერ­ნეტ-სივ­რცეც სა­გან­მა­ნათ­ლებ­ლო-სა­დის­კუ­სიო ხა­სი­ათ­ით მდიდ­რდე­ბა...

თსუ ეკ­ონ­ომ­იკ­ის სა­ერ­თა­შო­რი­სო სკო­ლის ორ­გა­ნი­ზე­ბით გა­მარ­თულ ონ­ლა­ინ ღო­ნის­ძი­ებ­აზე, რომ­ლის თე­მა გახ­ლდათ „პან­დე­მი­ის შემ­დგო­მი უმ­აღ­ლე­სი გა­ნათ­ლე­ბის გა­და­აზ­რე­ბა“, გა­ნათ­ლე­ბი­სა და მეც­ნი­ერ­ებ­ის მი­ნის­ტრი მი­ხე­ილ ჩხენ­კე­ლი სა­ზო­გა­დო­ებ­ას სიტყვით მი­მარ­თავს: მას­წავ­ლებ­ლე­ბის, ლექ­ტო­რე­ბის, სა­მი­ნის­ტროს, სა­ხელ­მწი­ფო­სა და სა­ერ­თა­შო­რი­სო ორ­გა­ნი­ზა­ცი­ებ­ის ერ­თობ­ლი­ვი ძა­ლის­ხმე­ვით დღეს შეგ­ვიძ­ლია ვთქვათ, რომ პან­დე­მი­ის პე­რი­ოდ­ში გა­ნათ­ლე­ბის სის­ტე­მის წი­ნა­შე მდგა­რი გა­მოწ­ვე­ვე­ბი დავ­ძლი­ეთ და ეს სე­მეს­ტრი შედ­გა“. ანუ, რო­გორც უნ­ივ­ერ­სი­ტე­ტის რექ­ტო­რი იტყო­და — სა­გან­მა­ნათ­ლებ­ლო სის­ტე­მის­თვის მი­ღე­ბუ­ლი შო­კი დაძ­ლე­ულია.

11 ივ­ნისს პირ­ვე­ლად ფიქ­სირ­დე­ბა გან­ცხა­დე­ბა უნ­ივ­ერ­სი­ტე­ტის თა­ნამ­შრომ­ლის covid-19-ით ინ­ფი­ცი­რე­ბას­თან და­კავ­ში­რე­ბით. კონ­ტაქ­ტში მყოფ ყვე­ლა თა­ნამ­შრო­მელს უტ­არ­დე­ბა PCR ტეს­ტი, ის­ინი გა­დაყ­ვა­ნილ­ნი არი­ან თვი­თი­ზო­ლა­ცი­აში.

უნ­ივ­ერ­სი­ტე­ტის სა­ზო­გა­დო­ებ­ას­თან ურ­თი­ერ­თო­ბის დე­პარ­ტა­მენ­ტი, რო­მე­ლიც ვი­რუ­სის გავ­რცე­ლე­ბის­თა­ნა­ვე შეუერთდა კამ­პა­ნი­ას — „დარ­ჩი სახ­ლში“, ყო­ველ­დღი­ურ­ად სხვა­დას­ხვა თა­ობ­ის ცნო­ბი­ლი თუ უც­ნო­ბი მწერ­ლე­ბის და უნ­ივ­ერ­სი­ტე­ტის კურ­სდამ­თავ­რე­ბუ­ლე­ბის მი­ერ წლე­ბის გან­მავ­ლო­ბა­ში შექ­მნილ მოთხრო­ბებს უნ­ივ­ერ­სი­ტე­ტის მთა­ვარ ფე­ის­ბუქ-გვერ­დზე ან­თავ­სებს სლო­გა­ნით — დღის სა­კითხა­ვი თსუ-სგან... სახ­ლში დარ­ჩე­ნა პრაგ­მა­ტუ­ლად მო­ფიქ­რალ­თათ­ვის იმ გა­და­აზ­რე­ბით დას­რულ­და, რომ დრო მარ­თლაც ფუ­ლია და რომ ტრან­სპორ­ტით გა­და­ად­გი­ლე­ბი­სას დრო­ის უაზ­როდ ხარ­ჯვას სახ­ლი­დან მუ­შა­ობა და გა­ნათ­ლე­ბის მი­ღე­ბა სჯობს... თუმ­ცა ამ მო­საზ­რე­ბა­საც ჰყავს კრი­ტი­კო­სე­ბი... მა­გა­ლი­თად სტუ­დენ­ტუ­რი ჯგუ­ფე­ბის ნა­წი­ლი ონ­ლა­ინ სწავ­ლე­ბას აპ­რო­ტეს­ტებს და პრაქ­ტი­კუ­ლი მე­ცა­დი­ნე­ობ­ები ენ­ატ­რე­ბათ.

პრაგ­მა­ტუ­ლებს რო­მან­ტი­კო­სებ­მა აჯ­ობ­ეს... 31 ივ­ლისს თბი­ლი­სის ქუ­ჩებ­ში მო­სი­არ­ულე ქა­რა­ვა­ნი გა­მოჩ­ნდა და სა­ზო­გა­დო­ებ­ას — „თსუ გა­მოშ­ვე­ბა — 2020“-ის შე­სა­ხებ ამ­ცნო. ქა­რა­ვა­ნი ეზ­ოდ­ან სა­ზე­იმ­ოდ გა­აც­ილ­ეს დრა­მე­რებ­მა მუ­სი­კის თან­ხლე­ბით და სტუ­დენ­ტებ­მა სკუ­ტე­რე­ბით... ღო­ნის­ძი­ებ­ის ძი­რი­თა­დი ნა­წი­ლი ონ­ლა­ინ ფორ­მატ­ში გა­იმ­არ­თა. უნ­ივ­ერ­სი­ტე­ტის ღო­ნის­ძი­ებ­ებ­ის მთა­ვარ­მა წამ­ყვან­მა ნა­ტა ას­ათი­ან­მა ონ­ლა­ინ სივ­რცე­ში 3500 კურ­სდამ­თავ­რე­ბულს ნი­შა­ნი მის­ცა, რომ უნ­ივ­ერ­სი­ტე­ტის ეზ­ოდ­ან თი­თოეულის სა­ხე­ლო­ბი­თი ბუშ­ტი გაფ­რინ­დე­ბო­და... პან­დე­მი­ის მი­უხ­ედ­ავ­ად უნ­ივ­ერ­სი­ტეტ­მა მა­ინც აჩ­უქა მის კურ­სდამ­თავ­რე­ბუ­ლებს და­სა­მახ­სოვ­რე­ბე­ლი დღე... ვირ­ტუ­ალ­ურ­მა დიპ­ლო­მებ­მა სო­ცი­ალ­ური ქსე­ლე­ბი ააჭ­რე­ლეს... ტექ­ნო­ლო­გი­ურ­მა ზე­იმ­მა პან­დე­მი­ის ნა­თე­ლი მხა­რე გა­მოკ­ვე­თა... „ეს არ­ის მა­გა­ლი­თი იმ­ისა, თუ რო­გორ შე­იძ­ლე­ბა ნე­ბის­მი­ერი მიზ­ნის მიღ­წე­ვა, თუ არ­ის სო­ლი­და­რო­ბა და გუნ­დუ­რო­ბის შეგ­რძნე­ბა“ — თქვა რექ­ტორ­მა და წერ­ტი­ლი და­უს­ვა დეპ­რე­სი­ულ ფიქ­რებს მო­მა­ვალ­ზე კო­რო­ნას ჭრილ­ში.

მარ­თლაც, ბევ­რი რამ გა­და­ფას­და, კულ­ტუ­რუ­ლო­გე­ბი თა­ვის სიტყვას მა­ლე იტყვი­ან, მენ­ტა­ლო­ბა და ჩვე­ვა კო­რექ­ტირ­და, თუმ­ცა ერ­თი რამ უც­ვლე­ლი დარ­ჩა — სი­ცი­ლი და ტი­რი­ლი ის­ევ მე­გობ­რო­ბენ... უნ­ივ­ერ­სი­ტეტ­მა ღირ­სე­ული პრო­ფე­სუ­რა და­კარ­გა...

და­ბო­ლოს,

ეპ­ილ­ოგი 2021 წელ­ში იწ­ერ­ება. ვაქ­ცი­ნა­ცი­ის კამ­პა­ნი­აში უნ­ივ­ერ­სი­ტე­ტი ერ­თვე­ბა და სა­ზო­გა­დო­ებ­ის­თვის კვლავ მა­გა­ლი­თებს ქმნის...

რო­ცა ვი­რუსს და­ვა­მარ­ცხებთ — ჯა­ვა­ხიშ­ვი­ლის სა­ხე­ლო­ბის უნ­ივ­ერ­სი­ტე­ტი უკ­ან აღ­არ მო­იხ­ედ­ავს, მაგ­რამ მო­მა­ვალ თა­ობ­ას ეც­ოდ­ინ­ება წარ­სუ­ლის ახ­ალი რე­ალ­ობ­ის ქრო­ნი­კა წიგ­ნით — „ახ­ალი კო­რო­ნა­ვი­რუ­სი და თსუ“...