13 ივლისს, 15:00 საათზე ივანე ჯავახიშვილის სახელობის თბილისის სახელმწიფო უნივერსიტეტმა გამართა ვებინარი თემაზე: „უნივერსიტეტების მესამე მისია კრიზისის და კრიზისის შემდგომ პერიოდში“. ვებინარის მომხსენებლებმა ისაუბრეს უნივერსიტეტების როლზე ქვეყნისა და მსოფლიოსთვის რთულ პერიოდში. ვებინარის მონაწილეებმა განიხილეს საკითხები:

• როგორ განიმარტება უნივერსიტეტების მესამე მისია?
• როგორ უპასუხეს უნივერსიტეტებმა პანდემიას?
• რა შეიძლება რომ გააკეთონ უნივერსიტეტებმა როდესაც ქვეყანაში/მსოფლიოში კრიზისია?
• როგორ შეიძლება უნივერსიტეტებმა აამაღლონ საზოგადოების ცნობიერება ვირუსთან დაკავშირებით?
• როგორ შეიძლება უნივერსიტეტებმა ხელი შეუწყონ ვირუსის გავრცელების შეჩერებას?
• იყო თუ არა პანდემია მამოძრავებელი ძალა, რომელმაც უბიძგა უნივერსიტეტებს ჩართულიყვნენ მესამე მისიის აქტივობებში?
• უნდა ველოდოთ თუ არა უნივერსიტეტების მესამე მისიის გაძლიერებას პანდემიის შემდგომ? 

მომხსენებლები:

• დოქტორი გიორგი შარვაშიძე - თბილისის სახელმწიფო უნივერსიტეტის რექტორი
• დოქტორი კრისტოფ ტერასი - საერთაშორისო პროექტების დირექტორი,მენეჯმენტის განვითარების ევროპული ფონდი (EFMD)
• ფიონა ქროზიერი - დამოუკიდებელი კონსულტანტი, საერთაშორისო განყოფილების ყოფილი ხელმძღვანელი, გაერთიანებული სამეფოს ხარისხის უზრუნველყოფის სააგენტო
• პროფესორი ჟან-შარლქალიე -  ინოვაციების ვიცე პრეზიდენტი, ლილის კათოლიკური უნივერსიტეტი

მოდერატორი: მაია გელაშვილი - კოორდინტორი, თსუ ხარისხის უზრუნველყოფის სამსახური.