26 ივნისს, 10.00 ივანე ჯავახიშვილის სახელობის თბილისის სახელმწიფო უნივერსიტეტში ჩატარდება ჩვენი თსუ მედიცინის ფაკულტეტის კურსდამთავრებულთა I სამეცნიერო კონფერენცია - ,,ფაკულტეტის ტრადიცია, ხარისხი და პასუხისმგებლობა“. კონფერენციის ორგანიზატორები არიან თსუ-ს ადმინისტრაცია, მედიცინის ფაკულტეტი, ალექსანდრე ნათიშვილის მორფოლოგიის ინსტიტუტი და საქართველოს ექიმთა ასოციაცია.

კონფერენციაში მონაწილეობას მიიღებენ, როგორც საქართველოში, ისე მის ფარგლებს გარეთ მომუშავე თსუ მედიცინის ფაკულტეტის კურსდამთავრებული წარჩინებული ექიმები. გათვალისწინებულია მათი ონლაინ ჩართვა ამერიკიდან და ევროპის სხვადასხვა ქვეყნიდან. ღონისძიებას დაესწრებიან საქართველოს საკანონმდებლო, აღმასრულებელი ხელისუფლების წარმომადგენლები, რამდენიმე თაობის პროფესორ-მასწავლებლები, მეცნიერები, კლინიცისტები, დოქტორანტები და რეზიდენტები.