საიტი მუშაობს სატესტო რეჟიმში

(ძველი ვერსია)
eng
facebook
youtube
twitter icon
linkedin icon
რუკა
თარიღი 2022-07-06
თარიღი 16:00 სთ
მისამართი უნივერსიტეტის ქ. №11, თსუ ბიბლიოთეკის ცენტრალური შენობა, ანთიმოზ ივერიელის სახელობის დარბაზი

6 ივლისს, 16:00 საათზე, ივანე ჯავახიშვილის სახელობის თბილისის სახელმწიფო უნივერსიტეტის ბიბლიოთეკაში წიგნის - „განათლება საქართველოს დემოკრატიული რესპუბლიკის (1918–1921) დედაქალაქში“ წარდგენა გაიმართება.


გამოცემა თბილისის სახელმწიფო უნივერსიტეტისა და თბილისის მერიის ერთობლივი პროექტის ფარგლებში მომზადდა. ექვსას გვერდიან წიგნში, გასული საუკუნის 20-იანი წლების პრესის მიხედვით, მოთხრობილია დამოუკიდებელი საქართველოს დედაქალაქის სკოლების, უმაღლესი სასწავლებლების, სახალხო უნივერსიტეტისა და პროფესიული სკოლების ყოველდღიურობის ისტორია, გარდა ამისა, ცალკე თავი ეთმობა ოფიციალურ ქრონიკასა და პუბლიცისტიკას.

გამოცემა ორენოვანია (ქართულ-ინგლისური), იგი სტუდენტებს, ისტორიკოსებს, განათლების მკვლევრებსა და თბილისის ისტორიით დაინტერესებულ მკითხველს ზედმიწევნით ამომწურავ ინფორმაციას მიაწვდის საქართველოს დემოკრატიული რესპუბლიკის დედაქალაქში მიმდინარე საგანმანათლებლო პოლიტიკის შესახებ.


წიგნი გამოსაცემად მოამზადეს უნივერსიტეტის ბიბლიოთეკისა და გამომცემლობის თანამშრომლებმა.

მსგავსი ღონისძიებები