FORGE-AI პროექტის პირველი სასწავლო სამუშაო შეხვედრა 11–12 ნოემბერს თბილიში, ნიკო მუსხელიშვილის სახელობის გამოთვლითი მათემატიკის ინსტიტუტში გაიმართა. ორი დღის განმავლობაში ახალგაზრდა მკვლევრები ერთად შეიკრიბნენ, რათა შეესწავლათ, როგორ შეიძლება ხელოვნური ინტელექტის ინოვაციური იდეები რეალურ, პრაქტიკულ პროდუქტებად იქცეს.

I დღე: იდეებიდან მომხმარებელზე ორიენტირებულ გადაწყვეტებამდე
პირველი დღის მთავარი თემა იყო ადრეული ეტაპის AI იდეების გარდაქმნა პრაქტიკულ და მომხმარებელზე ორიენტირებულ პროდუქტად. შესავალი სესიის შემდეგ მონაწილეები სტარტაპის საფუძვლებს გაეცნენ და იმაზე იმუშავეს, თუ როგორ შეიძლება კვლევის შედეგები რეალური პროდუქტების საფუძველი გახდეს. Creative Cluster-ისა და DFKI-ს ექსპერტების დახმარებით გუნდებმა განსაზღვრეს სამიზნე მომხმარებლები, ჩამოაყალიბეს ღირებულების შეთავაზებები და შეაფასეს შესაძლო ზეგავლენა. სესიების მეორე ნახევარი დაეთმო მომხმარებელზე ორიენტირებული დიზაინისა და მიწოდების ტექნიკებს. მონაწილეები სწავლობდნენ, როგორ წარმოედგინათ საკუთარი ხედვა მკაფიო, თანმიმდევრული და დამაჯერებელი ფორმით. მიღებული ცოდნა გუნდებმა პრაქტიკაში გამოიყენეს ერთობლივი ნარატივების შექმნის დავალებებში.

II დღე: სტრატეგიული ჩარჩოები და რეალური დანერგვა
მეორე დღე სტრატეგიულ და პრაქტიკულ საკითხებს მიეძღვნა. დღის პირველ ნახევარში მონაწილეები გაეცნენ ინტელექტუალური საკუთრების საფუძვლებსა და AI-ის პასუხისმგებლობით გამოყენებით პრინციპებს, რის შედეგადაც მიიღეს დამატებითი ცოდნა ეთიკის, სამართლებრივი დაცვისა და მდგრადი განვითარების მიმართულებით. შემდგომი სესიები AI ბიზნეს მოდელებს დაეთმო, რაც მონაწილეებს დაეხმარა გაეგოთ, როგორ შეიძლება შეიქმნას ინოვაციური გადაწყვეტილებები. დღის მეორე ნახევარში გაიმართა გაფართოებული სემინარი Business Model Canvas-ის საფუძველზე, სადაც გუნდებმა თავიანთი საწყისი იდეები კიდევ უფრო დახვეწეს და განავითარეს. სამუშაო შეხვედრა დასრულდა ღია Q&A-ით, პროექტების საერთო განხილვებითა და წარმატებული დასაწყისის შეჯამებით. 

ეს ტრენინგი მნიშვნელოვანი ნაბიჯია FORGE-AI-ს მისიის განხორციელებაში - მომავალი თაობის მკვლევართა აღჭურვაში არა მხოლოდ ტექნიკური კომპეტენციებით, არამედ მეწარმეობრივი აზროვნებითა და სტრატეგიული ხედვით, რაც აუცილებელია სწრაფად ცვალებად ევროპულ AI ეკოსისტემაში რეალური გავლენის შესაქმნელად. მომავალი ერთობლივი ინიციატივების წინ, თბილისში გამოვლენილმა შემართებამ შთამბეჭდავი საფუძველი შექმნა FORGE-AI-ის შემდგომი ეტაპების განხორციელებისთვის.

პროექტი FORGE-AI იწყებს თავის პირველ განმავითარებელ ტრენინგს 2025 წლის 11–12 ნოემბერს. ტრენინგი გაიმართება თბილისში, ნიკო მუსხელიშვილის სახელობის გამოთვლითი მათემატიკის ინსტიტუტში.

ეს ორდღიანი ინტენსიური ტრენინგი წარმოადგენს მნიშვნელოვან ეტაპს Horizon Europe-ის მიერ დაფინანსებულ ინიციატივაში, რომლის მიზანია საქართველოს AI კვლევითი ეკოსისტემის გაძლიერება — ახალგაზრდა მკვლევართა აღჭურვა როგორც ტექნიკური, ასევე მეწარმეობრივი უნარებით. პროგრამა მოიცავს ექსპერტების მიერ ჩატარებულ ლექციებსა და პრაქტიკულ ჯგუფურ სამუშაოებს.

პირველი დღე დაიწყება მისალმებებითა და პროექტის მიმოხილვით, რაც გაგრძელდება საინტერესო სესიებით სტარტაპის საფუძვლების, ბიზნეს-მოდელის დიზაინისა და პროდუქტის ადრეული ფაზის გააზრების შესახებ, მონაწილეთა აქტიური ჩართულობით. Creative Cluster-ის (CC) და პარტნიორი ორგანიზაციების ექსპერტების ხელმძღვანელობით, მონაწილეები გაივლიან პროცესს, თუ როგორ გარდაქმნან იდეები კონკრეტულ კვლევით ან ინოვაციურ პროექტებად.

მეორე დღეს ყურადღება გამახვილდება კომუნიკაციაზე, თანამშრომლობაზე და პრაქტიკულ ხედვებზე. მონაწილეები შეასრულებენ სავარჯიშოებს პროექტის, პირადი და გუნდის განვითარების მიზნების განსაზღვრისა და საკუთარი AI კარიერის გამოწვევებისა და სტრატეგიების დაგეგმვის მიმართულებით. ტრენინგი ასევე მოიცავს ჯგუფურ სამუშაოებს, ქსელის შექმნის შესაძლებლობებსა და ექსპერტთა მხარდაჭერას როგორც ადგილობრივი, ისე ევროპელი ტრენერებისგან. მონაწილეები წარმოდგენილი იქნებიან საქართველოსა და სომხეთის სხვადასხვა ინსტიტუციებიდან, რაც ხაზს უსვამს პროექტის საზღვარგარეთულ და მრავალსექტორულ ხედვას. ივანე ჯავახიშვილის სახელობის თბილისის სახელმწიფო უნიერსიტეტიდან ტრენინგში ჩართული იქნება სხვადასხვა მიმართულების 11 ახალგაზრდა მეცნიერი.

ეს პირველი ღონისძიება იწყებს ტრენინგების სერიას, რომელიც მიზნად ისახავს რეგიონში ხელოვნური ინტელექტის მომავალი ლიდერების ჩამოყალიბებას — ხელს შეუწყობს ახალ თანამშრომლობებს, გააღვივებს ინოვაციას და შექმნის საფუძველს გრძელვადიანი განვითარების და პროგრესისათვის FORGE-AI პროექტის მეშვეობით. ღონისძიების დღის წესრიგის ნახვა შესაძლებელია აქ.