1961 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

წერდა საბავშვო ლექსებს, ნარკვევებს; გამოცემული აქვს თოთხმეტი წიგნი; შეადგინა და გამოსცა ლოტო "ვეფხისტყაოსანი", "გონებანი გონიერისა" და სხვ. შოთა ხოდაშნელის საბავშვო კრებული ენის გასატეხი ქართულ ანბანზე: "უკვდავია ჩვენი სიტყვა", ქართველი ლოგოპედების სახელმძღვანელოა. მის მიერ შეგროვებული მასალები შევიდა ქართული ხალხური ზეპირსიტყვიერების  თექვსმეტტომეულში. 1979 წელს შექმნა "ვეფხისტყაოსნის" ზეპირად მცოდნეთა კლუბი, იყო მისი თავმჯდომარე; აწყობდა გადაცემებს საქართველოს ტელევიზიით, მრავალი წელი თანამშრომლობდა საქართველოს რადიოსთან. შოთა ხოდაშნელის თაოსნობით დაარსდა სახალხო დღესასწაულები - "შოთაობა" იყალთოში და "ალექსანდრეობა" წინანდალში; არის იყალთოსა და წინანდლის საპატიო მოქალაქე. მისი ინიციატივით სოფელ ზემო ხოდაშენში აღადგინეს დანგრეული, XVIII საუკუნის ციხე-მარანი; აშენდა კლუბი, საჭიდაო დარბაზი. მის ლექსებზე შექმნილია სიმღერები. შოთა ხოდაშნელი, საქართველოში ერთ-ერთი უხუცესი იყო, რომელმაც "ვეფხისტყაოსანი" ზეპირად იცოდა, 1983 წელს ქართველმა პოეტმა გინესის მსოფლიო რეკორდების წიგნში საპატიო ადგილი დაიკავა.

ბიბლიოგრაფია