2018 წლის 24 დეკემბერს თბილისის სახელმწიფო უნივერსიტეტის მუზეუმის საგამოფენო დარბაზში აკადემიკოს გიორგი მელიქიშვილის 100 წლის იუბილესადმი მიძღვნილი ფოტოდოკუმენტური გამოფენა გაიმართა. გიორგი მელიქიშვილი (1918-2002) ქართველი ისტორიკოსი. საქართველოს მეცნიერებათა აკადემიის ივანე ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის დორექტორი (1965-1999), პროფესორი (1956). გამოფენაზე წარმოდგენილი იყო გიორგი მელიქიშვილის ცხოვრების და სამეცნიერო მოღვაწეობის ამსახველი ფოტოდოკუმენტური და მემორიალური ექსპონატები, ხელნაწერები, სხვადასხვა დროს გამოცემული წიგნები და სახელმძღვანელოები, რომელთა უმეტესობა დაცულია პროფესორის მემკვიდრეთა ოჯახებში.

24/12/2018