2008 წლის 24 მარტს თსუ მუზეუმში გაიმართა გამოფენა „არნოლდ ჩიქობავა - 110“. არნოლდ ჩიქობავა (1898-1985) ენათმეცნიერი, ფილოლოგი და საზოგადო მოღვაწე, საქართველოს მეცნიერებათა აკადემიის თანადამფუძნებელი, იბერიულ-კავკასიური ენათმეცნიერების სამეცნიერო სკოლის დამფუძნებელი, საქართველოს მეცნიერების დამსახურებული მოღვაწე, ფილოლოგიის მეცნიერებათა დოქტორი, პროფესორი. გამოფენა მიეძღვნა აკადემიკოს არნოლდ ჩიქობავას 110 წლის იუბილეს, იგი იყო ახლადდაარსებული უნივერსიტეტის პირველი თაობის ერთ-ერთი სტუდენტი, რომელიც 1922 წელს საპროფესოროდ იქნა დატოვებული. საიუბილეო ღონისძიებაზე თსუ მუზეუმში გამოფენილი იყო მეცნიერის ცხოვრებისა და სამეცნიერო მოღვაწეობის ამსახველი ფოტოები, მემორიალური ნივთები, ხელნაწერები და სამეცნიერო ნაშრომები, სხვადასხვა გამოცემები.