საქართველოს ეკონომიკისა და მდგრადი განვითარების სამინისტრო  საბაკალავრო საფეხურის მე-2, მე-3, მე-4  ან  სამაგისტრო კურსის სტუდენტებს ნავთობისა და გაზის, მექანიკური და ელექტრო ინჟინერიის, გეოლოგიის, ქიმიის, ტრანსპორტირების, ენერგეტიკის, სამოქალაქო ინჟინერიის მიმართულებით ევროპის ერთ-ერთ უმსხვილეს რუმინულ ენერგო კომპანიაში 2 თვიანი ანაზღაურებადი სტაჟირების შესაძლებლობას აძლევს. სტაჟირების პერიოდი - მიმდინარე წლის ივლისი-აგვისტო.

კონკურსში მონაწილეობის მსურველ კანდიდატს მოეთხოვება:

• ჩაბარებული სასწავლო გამოცდების 100%იანი მაჩვენებელი;
• თითოეულ ჩაბარებულ გამოცდაში არანაკლებ 8/80/B  ქულა;
• მაღალი მოტივაცია, გუნდური მუშაობის უნარი, მიზანსწრაფულობა, შედეგზე ორიენტირებულობა,  მაღალი პასუხიმგებლობა და ციფრული უნარები;
• ინგლისური ენის C1 დონეზე ცოდნა.

კონკურსში მონაწილეობის მსურველებმა ქვემოთ ჩამოთვლილი დოკუმენტები უნდა წარმოადგინონ ინგლისურ ენაზე:

• CV
• სამოტივაციო წერილი;
• სარეკომენდაციო წერილი უნივერსიტეტიდან, გაცემული აკადემიური პერსონალის მიერ;
• აკადემიური მოსწრების ფურცელი (სრული).
• კანდიდატები შეირჩევიან ინგლისურენოვანი  წერითი დავალებით და გასაუბრებით.

დაინტერესებულმა პირებმა მითითებული დოკუმენტაცია უნდა გამოგზავნონ მიმდინარე წლის 21 აპრილის ჩათვლით ელ. ფოსტაზე: konkursi@moesd.gov.ge .