ნაშრომში გახილულია 1906 წლის 11 აპრილს პეტერბურგში გამომავალ ახალშექმნილ დემოკრატიულ რეფორმათა პარტიის ყოველკვირეულ გაზეთში „Страна“ გამოქვეყნებული სტატია სათაურით: „ამიერკავკასიის სატრაპიებში“. მასში მწვავედ იყო გაკრიტიკებული რუსეთის იმპერიის ხელისუფლების რეპრესიული პოლიტიკა ამიერკავკასიაში. განსაკუთრებით მწვავედ და საქმის ზედმიწევნით ცოდნით ავტორი განიხილავდა საქართველოში მიმდინარე მოვლენებს. წერილს ხელს აწერდა უცნობი ავტორი ფსევდონიმით „Старый Кавказец“. წერილის პათოსის, მასში მოცემული შეფასებებისა და სხვა გარემოებების გათვალისწინებით ნაშრომის ავტორები ფიქრობენ, რომ აღნიშნული სტატიის ავტორი უნდა იყოს ილია ჭავჭავაძე.