1977 წელს დაამთავრა თბილისის სახელმწიფო უნივერსიტეტის კიბერნეტიკისა და გამოყენებითი მათემატიკის ფაკულტეტი. ასპირანტურა - 1983 წელს.

1977 წლიდან - თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტის უმცროსი, უფროსი და წამყვანი მეცნიერ-თანამშრომელი იყო. 1977-2009 წლებში  მექანიკა-მათემატიკის ფაკულტეტის გამოთვლითი მათემატიკისა და ინფორმატიკის კათედრაზე დოცენტი, პროფესორი; 1998 წლიდან სოხუმის სახელმწიფო და კავკასიის უნივერსიტეტების მიწვეული პროფესორი; 2006-2010 წლებში ილიას სახელმწიფო უნივერსიტეტის პროფესორი; 2013 წლიდან საქართველოს ტექნიკური უნივერსიტეტის პროფესორი; 2012-2013 წლებში ფულბრაიტის პროგრამით იყო აშშ-ის ქ. მონტერეის ნავალის სადოქტორო სკოლის გამოყენებითი მათემატიკის დეპარტამენტის მიწვეული პროფესორი; 2014 წლიდან - საქართველოს ტექნიკური უნივერსიტეტი, მათემატიკის დეპარტამენტი, სრული პროფესორი; 2014 წლიდან - კავკასიის უნივერსიტეტი, მიწვეული პროფესორი. მისი სამეცნიერო კვლევის ძირითადი მიმართულებებია: მათემატიკური ფიზიკის ზოგიერთი არაწრფივი ამოცანის გამოკვლევა და მიახლოებითი ამოხსნა; სასრულ-სხვაობიანი, სასრულ-ელემენტთა და გალიორკინის ალგორითმების შესწავლა; ჩვეულებრივი და კერძოწარმოებულებიანი დიფერენციალური განტოლებებისათვის დასმული არაკლასიკური სასაზღვრო ამოცანების ვარიაციული ფორმულირება და დეკომპოზიციური მეთოდებით ამოხსნა.

ბიბლიოგრაფია