2007 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სამართლის ბაკალავრიატი. 2009 წელს ჩააბარა თბილისის სახელმწიფო უნივერსიტეტის იურიდიული ფაკულტეტის დოქტორანტურაში კერძო სამართლის მიმართულებით; 2012 წელს მიენიჭა სამართლის დოქტორის აკადემიური ხარისხი. სადოქტორო დისერტაციის თემა: "პირადი ცხოვრების დაცვა საქართველოს სამოქალაქო სამართლის მიხედვით" (სამეცნ. ხელმძღვანელი: პროფ. თ. ნინიძე).

2007 წელს ჩააბარა პროკურატურის მუშაკთა სახელმწიფო-საკვალიფიკაციო გამოცდა, ასევე ადვოკატთა ტესტირება საერთო სპეციალიზაციით; 2007-2008 წწ. გაიარა საქართველოს უზენაეს სასამართლოს სამოქალაქო, სამეწარმეო და გაკოტრების საქმეთა პალატაში ერთწლიანი სტაჟირება; 2008 წლის იანვრიდან 2008 წლის ივლისამდე იყო იურიდიული ფირმა "სიმართლის" ზუგდიდის N5 ფილიალის ადვოკატი; 2008-2014 წწ. იურიდიული ფირმა "იურაითის" ადვოკატი, 2014 წლის სექტემბრიდან არის დამოუკიდებელი ადვოკატი; 2010-2011 წწ. კავკასიის საერთაშორისო უნივერსიტეტის სამართლის ფაკულტეტის მოწვეული ლექტორი; 2010 წლის მარტიდან ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის მოწვეული ლექტორი, სპეციალისტი; 2011-2014 წწ. კავკასიის უნივერსიტეტის ასისტენტ-პროფესორი; 2012-2015 წწ. თბილისის სასწავლო უნივერსიტეტის ასოცირებული პროფესორი, ხოლო 2015-2016 წწ. ამავე უნივერსიტეტის მოწვეული პროფესორი; 2013-2014 წწ. სდასუ-ს ასისტენტ-პროფესორი, 2014 წლის სექტემბრიდან 2019 წლის აგვისტომდე სდასუ-ს ასოცირებული პროფესორი; 2016 წლის თებერვლიდან ევროპის უნივერსიტეტის ასოც. პროფესორი; 2020 წლის ივნისის ბოლოდან გლობალიზაციის ეკონომიკური და სოციალური პრობლემების კვლევითი ინსტიტუტის მთავარი მეცნიერ-თანამშრომელი.

არის 50-ზე მეტი სამეცნიერო ნაშრომის, მათ შორის ორი მონოგრაფიის, სამი დამხმარე სახელმძღვანელოს ავტორი, ასევე, ერთი უცხოური მონოგრაფიის მთარგმნელი. მისი ნაშრომები გამოცემულია როგორც ქართულ, ისე რუსულ და ინგლისურ ენებზე.

შრომები:

• კანონისმიერი ვალდებულებითი ურთიერთობები: საზიარო უფლებები, დავალების გარეშე სხვისი საქმეების შესრულება, უსაფუძვლო გამდიდრება, დელიქტური ვალდებულებები, თბ.: ბონა კაუზა, 2018.

ბიბლიოგრაფია