1982 წელს დაამთავრა თბილისის სახელმწიფო უნივერსიტეტის ისტორიის ფაკულტეტი, 1985 წელს ამავე  ფაკულტეტის  ასპირანტურა. იყო ილია ჭავჭავაძის სახელობის სტიპენდიანტი.

1986 წლიდან დღემდე მუშაობს საქართველოს ტექნიკურ უნივერსიტეტში სამართლისა და საერთაშორისო ურთიერთობების ფაკულტეტზე;

სადისერტაციო თემა - "ეროვნებათშორისი ურთიერთობანი თანამედროვე საქართველოში", დაიცვა 1987 წელს.

2014 -2017 წლებში იყო ხაშურის მუნიციპალიტეტის საკრებულოს თავმჯდომარე; ვ. შუბითიძის ნაშრომებით "რა შეუძლია პოლიტიკაში კარგ იმიჯს" და "სამშობლოსმცოდნეობა" საქართველოში საფუძველი  ჩაეყარა მეცნიერების ორ მიმართულებას - იმიჯოლოგიას და სამშობლოსმცოდნეობას. არის "პროფესორთა  ლიგის" და საზოგადოება "დიდგორი  1121" ხელმძღვანელი, შუბითიძეთა გვარის თავმჯდომარე; მისი აქტიური მონაწილეობით გამოიცა ბაჩანა ბრეგვაძის მიერ თარგმნილი პლატონის "ტიმეოსი", ჰენრიკ იბსენის ორტომეული, სერვანტესის ორიგინალიდან  ნათარგმნი "დონ კიხოტი" (1994-1995); არის 100-ზე მეტი სამეცნიერო ნაშრომის, მათ შორის 17 წიგნის, აქედან 8 მონოგრაფიის და 5 სახელმძღვანელოს ავტორი; სხვადასხვა პროექტების ხელმძღვანელი და თანაავტორი.

2011 წელს მიიღო დავით აღმაშენებლის, ხოლო 2014 წელს ნიკო ნიკოლაძის სახელობის პრემია.

ბიბლიოგრაფია