1973 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

1984 წელს გამოვიდა მისი ლექსების პირველი კრებული "ალვის ჩრდილი ერდოზე". მისი ლექსები, მოთხრობები და  ესსეები  სისტემატიურად იბეჭდებოდა სხვადასხვა ლიტერატურულ-საზოგადოებრივ ჟურნალებში. 2003 წელს გაზეთ "ტრიბუნაში" დაიბეჭდა მისი რომანი "სოკოები ცხუმის თავზე"; გ. რუხაია სხვადასხვა დროს მუშაობდა თსუ სტამბის რედაქტორად, საქართველოს პოლიტექნიკური ინსტიტუტის გაზეთის რედაქტორად, საქართველოს სპორტკომიტეტის სპორტული ალმანახის რედაქტორად, ჟურნალ "ნობათის" პასუხისმგებელ მდივნად, კულტურის სამინისტროს მეთოდურ-საგანმანათლებლო ცენტრის დირექტორად. სალიტერატურო გაზეთის პოეზიის განყოფილების რედაქტორად. ბოლო წლებში გრიგოლ რუხაია იყო დამოუკიდებელი ლიტერატურული ჟურნალის "ამერ-იმერის" სარედაქციო საბჭოს წევრი, საზოგადოებასთან ურთიერთობის განყოფილების რედაქტორი.

1990 წელს მიიღო საქართველოს მწერალთა კავშირის პრემია, წლის საუკეთესო მოთხრობებისათვის - ხირჩლა, ყურშა და სხვანი: მოთხრობები / გრიგოლ რუხაია. - თბილისი : საბჭ. საქართველო, 1990.

2009 წელს მიიღო იოსებ გრიშაშვილის სახელობის პრემია,  2013 წელს კი - დავით აღმაშენებლის სახელობის პრემია.

ნაშორმები:

• ალვის ჩრდილი ურდოზე, თბ.: მერანი, 1984.
• ყამირელთა კვალდაკვალ, თბ.: განათლება, 1987.
• შინაბერა: რომანი, თბ.: მერანი, 1990.
• ხირჩლა, ყურშა და სხვანი: [ნოველები], თბ.: საბჭოთა საქართველო, 1990.

ბიბლიოგრაფია