დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1945 წელს. 1965-1991წწ. მუშაობდა ჟურნალ "საქართველოს ქალის" რედაქტორად. მისი პირველი ლექსი 1936 წელს გამოქვეყნდა, ლექსების პირველი კრებული - 1945 წელს. დიდი პოპულარობა მოიპოვა მ. ბარათაშვილის პიესამ "ჭრიჭინა", რომელიც უცხოურ თეატრებშიც დაიდგა. მისი ნაწარმოები ითარგმნა რუსულ, უკრაინულ, იტალიურ, ესპანურ, ჩინურ და სხვა ენებზე. მ. ბარათაშვილი არის რამდენიმე პოეტური კრებულის ავტორი. იგი დაჯილდოებულია "საპატიო ნიშნის" ორდენით, მინიჭებული აქვს საქართველოს ხელოვნების დამსახურებული მოღვაწის წოდება (1967), საქართველოს სახელმწიფო, აკაკი წერეთლის, ვაჟა-ფშაველასა და გალაკტიონ ტაბიძის სახელობის პრემიები, ღირსების ორდენი. მ.ბარათაშვილი გარდაიცვალა 2008 წლის 30 დეკემბერს.