TSU.ge

General

კლინიკური და ტრანსლაციური მედიცინა

სადოქტორო პროგრამის დასახელება: კლინიკური და ტრანსლაციური მედიცინა

მისანიჭებელი აკადემიური ხარისხი: მედიცინის დოქტორი (Ph.D in Medicine)

სწავლების ენა: ქართული

პროგრამის მოცულობა კრედიტებით - 180 ECTS

პროგრამის ხელმძღვანელი: პროფესორი დიმიტრი კორძაია.

2021-2022 სასწავლო წლის შემოდგომის სემესტრის ცხრილი

სადოქტორო პროგრამის დოკუმენტაცია:

სასწავლო კომპონენტის სავალდებულო საგნების სილაბუსები

სასწავლო კომპონენტის არჩევითი საგნების სილაბუსები

კვლევითი პროექტი (სავალდებულო სასწავლო კომპონენტი)

დარგობრივი სემინარი (სავალდებულო სასწავლო კომპონენტი)

პროფესორის ასისტენტობა (სავალდებულო სასწავლო კომპონენტი)

დისერტაციის დაცვამდე წარსადგენი დოკუმენტები

სხვა დოკუმენტები

ხშირად დასმული შეკითხვები - იხილეთ ლინკი

Goals

პროგრამის მიზანი: წარმოდგენილი პროგრამა მიზნად ისახავს, დოქტორანტს:

 მისცეს ღრმა თანამედროვე ცოდნა პათოლოგიურ მდგომარეობათა ეტიოლოგიის, პათოგენეზის, დიაგნოსტიკის პროგნოზისა და მკურნალობის შესახებ;

 ჩამოუყალიბოს დოქტორანტს ლიტერატურული მონაცემებისა და საკუთარი კვლევის შედეგების კრიტიკული ანალიზისა და ლოგიკური დასკვნების გაკეთების უნარი ფაქტებზე დამყარებული მედიცინის პრინციპების გამოყენებით;

 გამოუმუშავოს სამეცნიერო კვლევების დამოუკიდებლად დაგეგმვისა და წარმოების, ასევე სასწავლო პროცესის წარმართვის უნარი.

Prerequisite

სადოქტორო პროგრამაზე მიღების წინაპირობები: სადოქტორო პროგრამაზე ჩაბარების წინაპირობაა დიპლომირებული მედიკოსის ან დიპლომირებული სტომატოლოგის აკადემიური ხარისხი. უცხო ენის ცოდნა B2 დონეზე.

Outcomes

სწავლის შედეგები

ცოდნა და გაცნობიერება - კონკრეტულ დარგში (მიმართულებაში) მედიცინის სფეროს უახლეს მიღწევებზე დამყარებული ისეთი ცოდნის მიღება რაც თავის მხრივ, ამ ცოდნის შემდგომი გაფართოებისა და ინოვაციური მიდგომების განვითარების საშუალებას იძლევა; კლინიკური და ტრანსლაციური მედიცინა წარმოდგენილი პროგრამა მოიცავს მედიცინის მიმართულებებს და ქვემიმართულებებს სპეციფიკური კვლევითი კომპონენტებით: სამედიცინო რადიოლოგია და ენდოსკოპია, ნევროლოგია, ფსიქიატრია, პედიატრია, ქირურგია, გადაუდებელი მედიცინა, ინფექციური დაავადებები, მეანობა-გინეკოლოგია, რეპროდუქტოლოგია, კარდიოლოგია, ენდოკრინოლოგია, დერმატო-ვენეროლოგია, კლინიკური პათოლოგია, მოლეკულური მედიცინა, ტრანსპლანტოლოგია, მორფოლოგია, პალიატიური და ტკივილის მედიცინა, სტომატოლოგია. მედიცინაში არსებული ცოდნის ხელახალი გააზრებისა და დიალექტიკური გადაფასების გზით ცოდნის განახლებული ფარგლების სწორად გაცნობიერება;

ცოდნის პრაქტიკაში გამოყენების უნარი - ახალი ცოდნის შექმნაზეა ორიენტირებული. ბიოსამედიცინო პროფილის ინოვაციური კვლევის დამოუკიდებლად დაგეგმვის, განხორციელებისა და კონტროლის უნარის გამომუშავება;

დასკვნის გამოტანის უნარი - ახალი, რთული და წინააღმდეგობრივი იდეებისა და მიდგომის კრიტიკული ანალიზი, სინთეზი და შეფასება, რითაც ხდება ახალი მეთოდოლოგიის შემუშავება/განვითარების ხელშეწყობა; პრობლემების გადასაჭრისათვის სწორი და ეფექტური გადაწყვეტილების დამოუკიდებლად მიღება;

კომუნიკაციის უნარი-მედიცინაში ახალი ცოდნის არსებულ ცოდნასთან ურთიერთკავშირის დასაბუთებულად და ნათლად წარმოჩენა; საერთაშორისო სამეცნიერო საზოგადოებასთან თემატური პოლემიკის წარმართვა უცხო ენაზე.

სწავლის და სწავლების უნარი - უახლეს მიღწევებზე დამყარებული ახალი ცოდნისა და იდეების სწრაფად გააზრებისა და დასწავლის (ცოდნაში გადატანის), ასევე სხვისთვის გადაცემის უნარ ჩვევების გამომუშავება და ეფექტურად გამოენება საგანმანათლებლო და კვლევით საქმიანობაში.

ღირებულებები - მეცნიერებაში ეთიკურ ღირებულებათა დამკვიდრების ხელშემწყობი არსებული ფაქტორების შესწავლა/გამოკვლევა და ამ მიმართულებით ინოვაციური ძიებებისათვის მზაობა;

Employment

კურსდამთავრებულის დასაქმების სფეროები: სამეცნიერო-პედაგოგიური საქმიანობის სფეროები.