ჯონდო გვასალია დაიბადა 1933 წელს. 1957 წელს დაამთავრა თბილისის სახელმწიფო უნივერსიტეტის ისტორიის ფაკულტეტი. 1958 წლიდან მუშაობდა ივანე ჯავახიშვილის სახელობის ისტორიისა და ეთნოგრაფიის ინსტიტუტში ისტორიული გეოგრაფიის განყოფილებაში უფროს ლაბორანტად; 1970 წლიდან იყო  უფროსი მეცნიერ თანამშრომელი; ამავე წელს დაიცვა საკანდიდატო დისერტაცია თემაზე:  „ ქართლის ისტორიული გეოგრაფიიდან (ქსნის საერისთავო)“, 1986 წელს კი  - სადოქტორო დისერტაცია: „აღმოსავლეთ საქართველოს ისტორიული გეოგრაფია : (შიდა ქართლი IV-XVIII სს.)". ჯონდო გვასალიას სამეცნიერო მოღვაწეობის სფერო მრავალფეროვანია; მუშაობდა ისეთ საკითხებზე, როგორებიცაა : შიდა ქართლის ისტორიული გეოგრაფიის პრობლემები, საქართველოში ოსთა მიგრაციის საკითხები. არის თანაავტორი საქართველოს ისტორიული ატლასისა. გამოქვეყნებული აქვს მრავალი სამეცნიერო და საგაზეთო სტატია, ესკიზი და პოეტური ნაწარმოები. ერთ-ერთი პირველი იყო, რომელმაც ოსების საქართველოში მიგრაციის პრობლემა შეისწავლა. მიღებული აქვს ივანე ჯავახიშვილის სახელობის პრემია.

გარდაიცვალა 2005 წელს.

ბიბლიოგრაფია