ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტსა და მოლდოვის ტექნიკურ უნივერსიტეტს შორის აკადემიური და კვლევითი თანამშრომლობის განვითარების მიზნით, თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ და მოლდოვის ტექნიკური უნივერსიტეტის რექტორმა პროფესორმა ვიორელ ბოსტანმა ურთიერთთანამშრომლობის მემორანდუმს მოაწერეს ხელი.
მოლდოვის ტექნიკური უნივერსიტეტის რექტორთან სამუშაო შეხვედრა გამართა თბილისის სახელმწიფო უნივერსიტეტის რექტორის მოადგილემ კახაბერ ჭეიშვილმა. როგორც შეხვედრაზე მხარეებმა აღნიშნეს, მემორანდუმი უნივერსიტეტის აკადემიური წრეების, მკვლევრების, ბაკალავრიატის, მაგისტრატურისა და დოქტორანტურის სტუდენტების მობილობის ხელშეწყობას ითვალისწინებს.
თანამშრომლობა ასევე ითვალისწინებს აკადემიური პერსონალის მხარდაჭერას ერთობლივი სამეცნიერო კვლევითი პროექტების შექმნაში; დონორი ორგანიზაციებიდან დაფინანსების მოზიდვაში; კვლევითი ვიზიტების და ერთობლივი კვლევითი შედეგების გამოქვეყნების ხელშეწყობას. სამეცნიერო ნაშრომები გამოქვეყნდება თსუ-სა და მოლდოვის ტექნიკურ უნივერსიტეტის პერიოდულ გამოცემებში.
