თბილისის სახელმწიფო უნივერსიტეტის სტუდენტური სერვისებისა და კარიერული განვითარების ცენტრის საბავშვო უნივერსიტეტის განყოფილება 22-26 ივნისს მოსწავლეებს სთავაზობს უნიკალურ შესაძლებლობას, მონაწილეობა მიიღონ საზაფხულო სკოლაში

 "თანამედროვე ტექნოლოგიები ჩვენს ყოველდღიურობაში"

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 

მიზანი

საზაფხულო სკოლის მიზანია, სკოლის მოსწავლეებმა ინტერაქტიული და ასაკობრივ სეგმენტზე ადაპტირებული ფორმით, მიიღონ ინფორმაცია თანამედროვე ტექნოლოგიების საჭიროებებზე და პრაქტიკაში გამოსცადონ ამ ტექნოლოგიური მოწყობილობების მუშაობის ასპექტები. 

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 

მისია და ღირებულებები

თსუ საბავშვო უნივერსიტეტის მიზანია მსგავსი საზაფხულო სკოლების საშუალებით, მოსწავლეები დაუახლოვდნენ საუნივერსიტეტო გარემოს, ჩაერთონ მათთვის საინტერესო აქტივობებში, ნაყოფიერად გაატარონ საზაფხულო არდადეგები.

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 

საგანმანათლებლო აქცენტი

საზაფხულო სკოლა ორიენტირებულია ტექნოლოგიებზე, უახლესი მოწყობილობების გაცნობაზე და მოსწავლეების ტექნოლოგიური აზროვნების წახალისებაზე.

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 

ჩართულობა

ბავშვების ჩართვა აღნიშნულ საზაფხულო სკოლაში, გაახალისებს მათ საზაფხულო უქმეებს, გააცნობს ახალ სფეროებს და რაც ყველაზე მნიშვნელოვანია, შესაძლებლობას მისცემს გაიცნონ ახალი ადამიანები და დამეგობრდნენ.

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 

რას ისწავლიან მოსწავლეები?

მოსწავლეებს კვირეულის ფარგლებში მოუწევთ დაახლოვება შემდეგ საკითხებთან:

* ხელოვნური ინტელექტი

* ინოვაციები და ტექნოლოგიები, რობოტიკა

* გეოდეზიური სამუშაოები, დრონები, ადგილის ციფრული აგეგმვა და მოდელირება

* გასართობი სამაგიდო თამაშები

* ფილმის ჩვენები და ინტელექტუალური თამაშები

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 

საზაფხულო სკოლის განრიგი 

მონაწილეობის სურვილის შემთხვევაში აპლიკაციის შევსების ბოლო თარიღია 17 ივნისი 23:59

შერჩეულ მონაწილე მოსწავლეთა სია გამოქვეყნდება 19 ივნისს 15:00 საათზე

სკოლა იფუნქციონირებს 22-26 ივნისს

საათობრივ გაწერილ პროგრამას მიიღებენ შერჩეული მოსწავლეები

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 

როგორ უნდა გავხდეთ საზაფხულო სკოლის მონაწილე?

საზაფხულო სკოლაში მონაწილეობისთვის მნიშვნელოვანია 2026 წლის 17 ივნისის ჩათვლით  შეავსოთ მარტივი ელექტრონული სააპლიკაციო ფორმა, დაგვისაბუთოთ სკოლაში მონაწილეობის მოტივაცია.

>> სარეგისტრაციო ბმული <<

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 

თსუ საბავშვო უნივერსიტეტს აქვს მრავალწლიანი გამოცდილება საგანმანათლებლო პროექტების განხორციელების.

შერჩეული მოსწავლეთათვის მონაწილეობა უფასოა

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 

საზაფხულო სკოლის მხარდამჭერია "GT Survey" და "GT Survey Edu"

საზაფხულო სკოლის პარტნიორია "ლიტეა" სამაგიდო თამაშები

თსუ ცოდნის გადაცემისა და ინოვაციების ცენტრი