„დრესაპ ჯგუფი“ 31 წელია მოღვაწეობს საქართველოს ბაზარზე და ექსკლუზიურად წარმოადგენს ტანსაცმლისა და ფეხსაცმლის მსოფლიოში აღიარებულ ბრენდებს: Levi’s, Lacoste, CK, Tommy Hilfiger, Tommy Jeans, Gant, Samsonite, Guess, Lee, Wrangler, Jack & Jones, Mavi, Etam, Converse, Vans, Adidas და სხვა.

კომპანია წარმოდგენილია 80-ზე მეტი მაღაზიით თბილისში, რუსთავში, ბათუმსა და ზუგდიდში. ასევე, ონლაინ მაღაზიით - Dressup.ge.

„დრესაპ ჯგუფი“ აცხადებს ვაკანსიას სარეკლამო წარმოების სპეციალისტის პოზიციაზე.

სამუშაო პირობები:

• სამუშაო გრაფიკი: სრული, კვირაში 40 სთ (უნივერსიტეტთან ხელშეწყობით)

• ანაზღაურება: 1800+ (გამოცდილების შესაბამისად)

• ლოკაცია: ქ. თბილისი, დ. გამრეკელის ქ. #19. სათავო ოფისი.

ფუნქციები და მოვალეობები:

• ბეჭდვითი და POS მასალების დაგეგმვა და მონიტორინგი: შეკვეთების წინასწარი დაგეგმვა, ბეჭდვისთვის საჭირო სპეციფიკაციების გადამოწმება;

• შიდა კომუნიკაცია: მაღაზიებთან და შესაბამის დეპარტამენტებთან თანამშრომლობა, მათი საჭიროებების იდენტიფიცირება და მართვა;

• მომწოდებლებთან კოორდინაცია: სტამბებთან და სხვა პარტნიორებთან ურთიერთობა, ფასების მიღება, ტექნიკური საკითხების მოგვარება, ხარისხისა და ვადების კონტროლი;

• ლოგისტიკური პროცესების მართვა: პროდუქციის ტრანსპორტირება, საწყობში მიღება და მაღაზიებში განაწილების კოორდინაცია;

• სისტემური მონიტორინგი: პროდუქციის ნაშთების, მდგომარეობისა და ხარისხის კონტროლი; მონაცემების განახლება ონლაინ სისტემებში; დეფექტური მასალების იდენტიფიცირება;

• ინოვაციების კვლევა: ახალი მასალებისა და ტექნოლოგიების ძიება წარმოების პროცესების ოპტიმიზაციისთვის;

• დოკუმენტაციის მართვა: შეკვეთების, ინვოისების, სატესტო პრინტების, სერტიფიკატებისა და კონტრაქტების ციფრული და ფიზიკური არქივირება;

• მარკეტინგთან კოორდინაცია: ბანერების, ბროშურებისა და ვიტრინების განახლების გრაფიკთან სინქრონიზაცია საერთო სამუშაო დაფაზე;

• რეპორტინგი: წარმოებისა და მომარაგების პროცესების შესახებ რეგულარული ანგარიშების მიწოდება მენეჯმენტისა და ფინანსური გუნდისთვის.

საკვალიფიკაციო მოთხოვნები და უნარ-ჩვევები:

• სარეკლამო, პოლიგრაფიულ კომპანიაში ან კომპანიასთან კომუნიკაციის მინიმუმ 1 წლიანი გამოცდილება (სტაჟირებაც ჩაითვლება).

• დიზაინის შექმნის გამოცდილება;

• სარეკლამო მასალების სპეციფიკის ცოდნა;

• მნიშვნელოვანია: CorelDraw, Adobe photoshop, Adobe Illustrator, Adobe Acrobat პროგრამების საშუალო დონეზე ცოდნა, Premier Pro-ს ცოდნა ჩაითვლება უპირატესობად;

• ინგლისური ენის B2 დონეზე ცოდნა;

• ორგანიზებულობა და საქმის დაგეგმვის/კოორდინირების უნარი;

• ინიციატივა და სიახლეებისკენ სწრაფვა – პროცესების ავტომატიზაციისა და ეკომეგობრული მასალების შეთავაზება.

კანდიდატთა შერჩევა: გთხოვთ, დაინტერესების შემთხვევაში თქვენი CV/რეზიუმე ატვირთეთ 2025 წლის 10 ივლისის ჩათვლით ბმულზე: https://hel-ai.com/apply/87Tjfmh

დაკავშირება მოხდება მხოლოდ შერჩეულ კანდიდატებთან.

გისურვებთ წარმატებას!